Пачатак 2020 года адзначаны яркай перамогай члена літаратурнага клуба БДТУ “Ветліца” Максіма Машкіна, які браў удзел у Рэспубліканскім літаратурным конкурсе на лепшы твор маладых паэтаў і празаікаў “Першацвет”. У конкурсе ўдзельнічалі сотні аўтараў. Журы выбрала 20 лепшых, і сярод іх — наш Максім.
У чацвёртым выпуску рэспубліканскага зборніка “Першацвет” у кагорце лепшых 20 надрукаваны творы і аднаго з самых маладых аўтараў — Максіма Машкіна – студэнта 1 курса факультэта ТАР.
А 9 лютага 2020 года на ХХУІІ Мінскай міжнароднай кніжай выставе яму ўручаны дыплом пераможца конкурсу.
Жадаем новых творчых поспехаў і перамог!
Літаратурны клуб “Ветліца”. 13.02.2020