28 верасня 2021 г. у кабінеце літаратурнага клуба “Ветліца” адбылася Акцыя:”Чытаем разам!”
У Акцыі бралі ўдзел наступныя студэнткі 1 курса інжынерна-эканамічнага факультэта, якія пражываюць у інтэрнаце № 5: Гарбунова Аліна, Масендава Дзіяна, Мігай Аліна, Нябытава Рыма, Стаброўская Дар’я, Тарасава Алена і Хомчанка Яніна.
Мэта акцыі:
— пазнаёміць з літаратурнай творчасцю студэнтаў і выкладчыкаў нашага ўніверсітэта (пачытаць вершы і эсэ, прысвечаныя БДТУ, з нагоды юбілеяў і надрукаваныя ў літаратурна-мастацкіх альманахах “AVE”);
— далучыць да эмацыйна-зместавай інфармацыі пра БДТУ (інфармацыйнай, патрыятычнай, узнёслай, да пачуццяў гонару за дасягненні ўніверсітэта, за супрацоўнікаў і студэнтаў, за веру ў росквіт і слаўную будучыню);
— навучыцца чытаць тэксты на аўдыторыю, пераадольваючы страх, няўпэўненасць, звяртаючы ўвагу на артыкуляцыю, эмацыянальнасць і інш.
У ходзе мерапрыемства студэнткі азнаёміліся з дзейнасцю клуба “Ветліца”, выданнем літаратурна-мастацкага альманаха, з задавальненнем прачыталі прапанаваныя творы пра ўніверсітэт, адзначылі вершы, якія найбольш уразілі і спадабаліся.
