Пад такой назвай 11.06.24 г. прагучала літаратурна-музыкальная кампазіцыя, прысвечаная творчасці беларускіх і рускіх паэтаў-франтавікоў, многія з якіх у гэтым годзе маглі б адзначыць 100-гадовы юбілей. Студэнты прачыталі вершы беларускіх паэтаў-франтавікоў і пасляваеннага пакалення Аркадзя Куляшова, Янкі Купалы, Якуба Коласа, Пімена Панчанкі, Максіма Танка, Рыгора Барадуліна, Васіля Зуёнка, Ніла Гілевіча, Анатоля Вярцінскага. Праспявалі “Баладу пра партызанку Галіну”, “Два полі”, адказалі на пытанні віктарыны.
Другая частка мерапрыемства была прысвечана рускай паэзіі. Успомнілі найбольш яркія творы Канстанціна Сіманава, Аляксандра Твардоўскага, Вольгі Бергольц, Веры Інбер, Юліі Друнінай, Міхаіла Дудзіна, Булата Акуджавы, Ганны Ахматавай.
Кажуць, што зброю можна адняць у ворага, але песню ў яго не адымеш. Гэта разумелі і адчувалі ўсе. Таму песня была вельмі запатрабавана і на фронце, і ў тыле ворага. Яна дапамагала жыць і змагацца. Ужо на трэці дзень вайны як магутны заклік, як урачыстая клятва разнеслася па прасторах Савецкага Саюза песня “Священная война” (Словы В. Лебедзева-Кумача, музыка А. Аляксандрава). Першымі песнямі Вялікай Айчыннай вайны сталі “Огонёк” і “В лесу прифронтовом” М.Ісакоўскага, “В землянке” А.Суркова, “Соловьи” М.Фацьянава і многія іншыя.
Чыталі вершы, слухалі і спявалі песні Козел Андрэй, Іваноў Алег, Цяліца Ганна, Зубарэнка Уладзімір, Каралевіч Лізавета і Радзько Павел.
Інфармацыя і фота Савіцкай Н.Я.