09.12.2020 г. (якраз у дзень нараджэння Максіма Багдановіча) у кабінеце літаратурнага клуба ў 18.00 з прэзентацыяй уласнай паэтычна-песеннай творчасці выступіў студэнт ІУ курса факультэта ПіМ Канстанцін Заблоцкі. Ён прачытаў некаторыя вершы са зборніка, праспяваў уласныя песні пад гітару.
У кабінеце сабраліся прыхільнікі творчасці маладога паэта і аматары паэзіі, якія ўважліва слухалі Канстанціна, задавалі шматлікія пытанні, былі ўражаны эрудыяй аўтара, глыбокімі назіраннямі над жыццёвымі праявамі і ўменнем перадаць гэта ў вершы.
